Градот презема мерки за намалување на загаденоста на воздухот

Потребно е да се формира Координативно тело на ниво на главниот град, од службите на Град Скопје и институциите кои имаат надлежност и обврска околу заштитата на воздухот во Скопје, т.е. од МЖСПП, заклучено е на денешната 23-та седница на Координативното тело на градоначалници на скопските општини во соработка со Министерството за животна средина.

Скопскиот градоначалник Коце Трајановски потсети дека Град Скопје не е надлежен за мониторинг на воздухот во главниот град, туку само за информирање и давање препораки.

- Соодветно на тоа, Град Скопје има донесено Акциски план и донесува препораки кои граѓаните можат да ги видат на нашата веб-страница, рече Трајановски и додаде дека оваа надлежност ја исполнуваат.

Тој рече дека Министерството за животна средина и просторно планирање има надлежност за мониторинг на воздухот.

На Координативното тело присуствувале и државниот секретар во Министерството за животна средина и просторно планирање, Соња Лепиткова и вработените од Секторот за екологија на Град Скопје.

Трајановски информира дека пред неколку дена одржал состанок и со поголемите компании кои имаат А интегрирани дозволи - Макстил, Митал стил, Скопски легури, Цементарница Усје, ОХИС и Топлификација, на кој присуствувале и претставници од МЖСПП.

Тој потсети дека Град Скопје издава Б интегрирани дозволи. - Нашите инспекциски служби во последните два месеци се на терен. Интензивно проверуваат дали компаниите кои добиле Б интегрирани дозволи од Град Скопје се придружуваат на мерките кои треба да ги има. Најдени се одредени компании кои не го исполнуваат тој услов и дадено им е рок од 10-15 дена за да го исполнат. Нашите инспекциски служби повторно ќе одат на терен за да ја видат состојбата, рече Трајановски.

На граѓаните на Град Скопје кои индивидуално се затоплуваат да користата поквалитетни горива.

Видеото е превземено од првата македонска интернет телевизија Македонија24.
Превземањата се во согласност со условите пропишани од Македонија24.