Демир Хисар дел од проектот транспарентна општина

Како дел од проектот Транспарентна општина во кој што се вклучени општината Демир Хисар и 13 општини, вчера во кабинетот на градоначалникот се одржа работна средба на претставници на ЗЕЛС и Проектот за локална самоуправа при УСАИД, со раководителите на одделенијата и други вработени во општинската администрација.

На присутните им беше презентиран Правилникот за јавност во работата на општината, како и содржината од Планот за јавност во работата на општината. Тој ја нагласи потребата од примена на овие документи, со кои треба да се овозможи внатрешното и надворешно информирање во општинатае, односно се регулира начинот за организирање на колегиуми и начините на дистрибуција на заклучоците, насоките за работа според нив, потоа насоки како да се дефинираат прашања кои се од интерес за јавноста и критериуми за нивна селекција, како и процедурата за проток на информации од интерес за јавноста и начинот за тоа како да се обезбеди јавност во работата на Советот на општината.

Со поддршка на проектот за локална самоуправа при УСАИД, изминативе години  ЗЕЛС работеше со 14 општини посветувајќи се на подготовките за изработка на програми за внатрешна комуникација, а во оваа фаза даде и конкретна техничка поддршка во изработка на урнеци на Деловник за работа на колегиум на градоначалникот, записници и сл.

Инаку, во поглед на надворешната комуникација на општината со граѓаните, иако со ограничени финансиски и технички ресурси, општината Демир Хисар е некаде во средината од општините со изградени и востановени методи и форми на комуникација. Со изработката на новиот веб портал што се очекува да заврши за 10  дена, ќе се создадат дополителни можности за воспоставување на нови врски со граѓаните и институциите.